Hymnodia

 

Hymnodia á Myrkum músíkdögum 2010

Hymnodia tekur í þriðja sinn þátt í tónlistarhátíðinni Myrkum músíkdögum sem fara fram dagana 24.-31. janúar. Þessi tónlistarhátíð Tónskáldafélags Íslands er nú þrjátíu ára og verður þess vegna venju fremur glæsileg. Tónleikar Hymnodiu verða sunnudaginn 31. janúar kl. 14. Tónleikastaðurinn er óvenjulegur. Fyrir valinu varð afskaplega snyrtilegt bílaverkstæði á Kársnesi í Kópavogi, þjónustustöðin Kvikkfix við Vesturvör 30c.

 

 

Hymnodia frumflytur tvö íslensk verk að þessu sinni, nýtt verk eftir Oliver Kentish og annað eftir Gísla Jóhann Grétarsson, ungt og upprennandi tónskáld sem er við nám við tónlistarháskólann í Piteå í Svíþjóð. Hymnodia þykist eiga nokkuð í Gísla enda hefur hann sungið með kórnum við nokkur tækifæri. Auk þessara nýju verka flytur kórinn verk sem frumflutt voru á liðnu hausti í tónleikaferð Hymnodiu til Reykjavíkur og Sviss. Þetta eru verk eftir Önnu Þorvaldsdóttur og Karólínu Eiríksdóttur. Jafnframt verður fluttur spuni. Í raun verða tónleikarnir ein samfelld heild þar sem skiptist á spuni og skrifuð tónverk enda er yfirskriftin Hljóðgjörningur. Sjá nánar um dagskrá Myrkra músíkdaga HÉR.

SUN. 31. jan. kl. 14.00

HYMNODIA

The Hymnodia Chamber Choir
Stjórnandi / Conductor: Eyþór Ingi Jónsson

Þjónustustöðinni Kvikkfix, Vesturvör 30c, Kópavogi
Kvikkfix Garage, Vesturvör 30c, Kópavogur

http://kvikkfix.is

HLJÓÐGJÖRNINGUR
Sound Performance

Vertu, Guð faðir, faðir minn                                                              Jón Leifs

Lag Hjörleifs                                                                 Hjörleifur Örn Jónsson

Aðleikur - Þann heilaga kross                                         Anna Þorvaldsdóttir

Þann heilaga kross                                                       Anna S. Þorvaldsdóttir

Upplifun - frumflutningur                                          Gísli Jóhann Grétarsson

Hver er allt of uppgefinn                                                              Páll Jónsson

Blíða                                                                                  Karólína Eiríksdóttir

Kvölda tekur, sest er sól                         ísl. þjóðl., úts. Hjörleifur Örn Jónsson

Martröð                                                                    Hildigunnur Rúnarsdóttir

Tribulationes Civitatum (We have Heard) frumflutningur    Oliver Kentish

Ég er að byggja bjarta höll                            kórspuni - Guðrún Böðvarsdóttir

Kór og hljóðfæraleikarar spinna brýr á milli verkanna

Listræn útfærsla: Arna Guðný Valsdóttir og Hjörleifur Örn Jónsson

LÁRA SÓLEY JÓHANNSDÓTTIR – FIÐLA
HJÖRLEIFUR ÖRN JÓNSSON - SLAGVERK

EYÞÓR INGI JÓNSSON - ORGEL